विराटनगर। नेपाली बजारमा प्रतितोला सुनको मूल्य ९९ हजार ९ सय पुगेको छ। सुनचाँदी व्यवसायी महासंघका अनुसार सोमबार सुनको मूल्य अघिल्लो कारोबार दिनका तुलनामा चार सयले बढेको हो ।
आइतबार प्रतितोला ९९ हजार पाँच सयमा कारोबार भएको सुनको मूल्य आज ९९ हजार नौ सय पुगेको हो। तेजाबी सुनको मूल्य प्रतितोला ९९ हजार चार सय कायम गरिएको छ । यसको मूल्य अघिल्लो दिन प्रतितोला ९९ हजार थियो ।
त्यस्तै चाँदीको मूल्य पनि बढेको छ। आज १५ रुपैयाँले बढेर एक हजार तीन सय ८५ पुगेको महासंघले जनाएको छ।
प्रकाशित मिति: २०२२-१२-०५ , समय : १५:२७:४३ , १ वर्ष अगाडि