३१ आषाढ २०८१, सोमबार
2024-07-15

काठमाडौंका मेयर शाहले ५ दिने चीन भ्रमण रद्ध गरे !

Aarya News 255  पटक हेरिएको

काठमाडौँ । काठमाडौँ महानगरपालिकाका मेयर बालेन शाहले ५ दिने चिन भ्रमण रद्ध गरेका छन।

हालै चीनले प्रकाशन गरेको नक्सामा नेपालको लिपुलेक, कालापानी र लिम्पियाधुरा क्षेत्रलाई भारतको देखाएर चीनले आफ्नो देशको नक्सा प्रकाशन गरेपछि  मेयर शाहले चीन भ्रमण रद्ध गरेका हुन ।

बिहिबार सामाजिक सञ्जालबाट उनले यसअघिदेखि नै तय भएको चीन भ्रमण नैतिकका आधारमा रद्ध गरेको बताएका छन् ।

मेयर शाहले फेसबुकमा लेखेका छन्– ‘हामी नेपालले  २०७७ साल जेठ ७ मा लिपुलेक, लिम्पियाधुरा र कालापानीलाई समेटेर नयाँ चुच्चे नक्सा निकालेका थियौं । केही दिन पहिले चीनको प्राकृतिक स्रोत मन्त्रालयले उक्त स्थानलाई हटाएर पहिलेको बुच्चे नक्सालाई कायम गरेर नेपालको  नक्सा सार्वजनिक गरेको छ ।

नेपाली भूभागलाई  चीनले नेपाललाई नै नसोधी भारतको देखाउनु हाम्रो  संवेदनशीलतामाथि चालेको गलत कदम मानेका  छौ ।

त्यसैले आज मेरो, चीनको निमन्त्रणामा हुँदै गरेको ५ दिने भ्रमण नैतिकताको आधारमा नजाने निर्णय गरेको छु ।’

प्रकाशित मिति: २०२३-०८-३१ , समय : १३:५५:५१ , ११ महिना अगाडि

error: Content is protected !!