कटहरी गाँउपालिकाले उपचारको लागी दिदै आएको रकम मदिरा पिउन प्रयोग भएको पाईएपछि कसैलाई पनि नदिने निर्णय

राजीव कुशवाहा

नेपालीमा पढ्नुहोस

कटहरी जेष्ठ २७ गते |कटहरी गाँउपालिकाले उपचारको लागी दिदै आएको रकम अब  कसैलाई पनि नदिने भएको छ । उपचारको लागी भन्दै लिएको रकम मदिरा पिउन प्रयोग भएको पाईएपछि त्यस्तो शिर्षकमा रहेको रकम कसैलाई पनि रकम नदिने भएको हो ।

कटहरी गाँउपालिकाको नवनिर्वाचित अध्यक्ष देवराज चौधरीले सार्वजनिक सूचनानै जारी गरी उक्त शिर्षकमा रकम वितरण गर्न रोक लगाएका हुन् । सरकारको लगानी गाँउमा भएका मदिरासेवनकर्ता बराम्बार उपचार खर्चको माग गर्दै गाँउपालिका धाउन थालेपछि उक्त विकृतीलाई रोक्न यस्तो कदम उठाउनु परेको अध्यक्ष चौधरीको भनाई छ । गाँउपालिकाबाट प्राप्त रकम दुरवेशनीहरुले मदिरा पिउन खर्च गर्ने र त्यसले उनीहरुकै घर तथा समाजमा झगडा तथा अपराध सिर्जना गराउने अध्यक्ष चौधरीको बुझाई रहेको छ ।

सो निर्णय एक ढंगबाट सहि देखिपनि यसले वास्तविक पिडित तथा विरामीहरुलाई बेफाईदा पु¥याउने केहिको बुझाई छ । सहयोग शिर्षकमा रकम दिन बन्द गरिएपछि रहत माग्न आएकाहरु तत्काल खाली हात फर्किनु परेको पिडितहरूले गुनासो गरे ।

वास्तवीक पिडित तथा असहायको हकमा सचेत रहेको बताउँदै अध्यक्ष चौधरीले उनीहरुको दिर्घकालिन व्यवस्थापनको लागी वृहत योजना ल्याउने गाँउपालिकाले तयारी गरीरहेको जानकारी गराए । एक दुई पटक दिएको दुई चार हजार पैशाले कुनै पनि समस्याको हल नहुने तर्क गर्दै वस्तविक असाहयको लागी आफुले केही योजना ल्याउन लागेको अध्यक्ष चौधरीले सुनाए ।

गरिब तथा विपन्न परिवारलाई गाँउपालिकाकाले स्वास्थ्य बिमा गर्न सहयोग गर्ने र गाँपालिकालाई पुर्ण बिमित गर्ने अक्ष्यक्ष चौधरीको योजना छ । गाँउपालिकालाई नै पुर्ण विमित गरेपश्च्यात बिरामीको बहाना गर्ने नक्कली पिडितहरु ठगीधन्धा बन्द हुने अध्यक्ष चौधरीको बुझाई छ ।

अब अग्नी बाढी लगाएतका अन्य पिडितको हकमा शुक्ष्म निरक्षण गरेर मात्र गाँउपालिकाले आर्थिक सहयोग उपलब्ध गराउने छ । कटहरी गाँउपालिका आर्थिकभन्दा पनि भौतिक र व्यवहारीक सहयोग गर्ने तर्फ बढी अग्रसर रहेको भन्ने सन्देश जाओस् भन्ने अध्यक्ष चौधरीको चाहना छ । पैशा दिएर भन्दा पनि घर नभएकालाई बास, खान नपाएकालाई गाँस र बेरोजगारलाई रोजगारी दिएर कटहरीबासीको जीवन–स्तर उच्च बनाउने अध्यक्ष चौधरीको योजना छ ।

प्रकाशित मिति: २०२२-०६-१० , समय : ११:११:१३ , ८ महिना अगाडि