भारतको गुजरातमा २२ बिघा जग्गाको मालिक कुकुर

Desk

नेपालीमा पढ्नुहोस

नयाँ दिल्ली। भारतको गुजरातमा २२ बिघा जग्गाको मालिक कुनै मानिस नभइ कुकुर भएको बीबीसी समाचारमा उल्लेख छ। गुजरातको बनासकांठा जिल्लाको पालनपुर तालुकको कुस्कल गाउँका कुकुर करोडपति कुकुर हुन्। बाहिरबाट गाउँ प्रवेश गर्दा सबभन्दा अघि नै २२ बिघाको सो जमिन देखिन्छ ।

यो जग्गाको अनुमानित लागत ५ करोड भारु रहेको छ । सो जग्गा कुकुरहरुकै लागी प्रयोग गरिने र सो स्थानलाई कुतरिया भनिने स्थानीय गमेरभाइले बताए। २२ बिघा जमिन नै कुकुरको नाममा भएकोले कुकुरलाई निकै धनी मानिन्छ। पूर्खाले नै कुकुरको लागि सो जमिन राखेका स्थानीय बताउँछन्। गाउँमा रहेको सो जमिनमा खेती गरिने र त्यहाँबाट आएको आम्दानीले कुकुरलाई खर्च गर्न गरिन्छ।

गाउँमा पालैपालो गरेर दैनिक १० किलो बाजराको रोटी पकाइन्छ। दैनिक ४०० रोटी पाक्ने गरेको स्थानीयले बताए। प्रत्येक घरको पालो एक वर्षमा एकपटक मात्र आउँछ।

प्रकाशित मिति: २०२२-०८-११ , समय : १७:४८:४२ , ६ महिना अगाडि